2024-mi ingerlariaqqiffiusumik ilinniakkat
Ingerlariaqqiffiusumik ilinniarnermik naammassinnissimasut
2024-mi ingerlariaqqiffiusumik ilinniarnermik naammassinnissimasut 238-nik amerlassuseqarput. Taakkunannga 72 pct.-it Kalaallit Nunaanni naammassinnissimapput. Piffissaq sivisunerusoq isigalugu ingerlariaqqiffiusumik ilinniakkamik naammassisartut amerleriarujussuarput. 2014-imut sanilliullugu naammassinnissimasut 17 pct.-imik qaffariarsimalluni.
Titartagaq 1. 2014-imiit 2024-mut ingerlariaqqiffiusumik ilinniarnermik naammassinnissimasut nuna ilinniarfiat malillugu
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (https://bank.stat.gl/UDNISC11D).
Ingerlariaqqiffiusumik ilinniagallit akornanni amerlanerpaat professionsbacheloritut ilinniagaqarput, ikittuinnaallu kandidatitut ilinniarlutik naammassisartut. Ineriartornerulli takutippaa kandidatitut naammassisartut amerlatsikkiartortut. 2024-mi kandidatitut ilinniarlutik naammassisimasut 28-upput, 2014-imiit 2024-mut sanilliullugu agguaqatigiissinnerini appasinneruvoq piffissami tassani kandidatitut ukiumut agguaqatigiissillugu naammassisartut 32-upput. Kandidatitut ilinniartut amerlanerpaartaat Kalaallit Nunaata avataani ilinniartarput.
Titartagaq 2. 2014-imiit 2024-mut ingerlariaqqiffiusumik ilinniarnermik naammassinnissimasut ilinniakkap suussusaa malillugu
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (https://bank.stat.gl/UDNISC11D).
Ingerlariaqqiffiusumik ilinniakkanik ilinniartut
2024-mi ilinniartut ingerlariaqqiffiusumik ilinniarnermik ingerlatsisut 1.193-iupput. Taakkunannga 824-t Kalaallit Nunaanni ilinniartuupput, 369-llu nunani allani ilinniartuullutik. 2014-imut sanilliullugu ilinniakkamik ingerlatsisut amerlassusaat 2024-mi 4 pct.-imik -4. Kalaallit Nunaanni ingerlariaqqiffiusumik iliniakkanik ingerlatsisartut qaffariaataat annertunerpaavoq.
Kalaallit Nunaanni ingerlariaqqiffiusumik ilinniakkamik aallartitsisartut
2015-imi ingerlariaqqiffiusumik ilinniakkamik aallartitsisimasut amerlanerpaasimapput, 2024-lli tungaanut 10 pct.-imik appariarsimalluni. Ukiup ataatsip ingerlanerani Kalaallit Nunaanni ingerlariaqqiffiusumik ilinniakkamik aallartitsisimasut amerlassusaat 4 pct.-imik qaffariarsimavoq, nunanili allani aallartitsisimasut 10 pct.-imik qaffariarsimalluni.